最新消息

12/27/2017

本年度最後一場賽事係由 PB Runners 所舉辦嘅『慈善 PB 跑 2017 與小而同有個約會』第三站, 賽事位於大埔大尾督, 以此命名嘅賽事已經舉辦了三年!

今年大會更別出心裁設立了一個【分齡聯賽爭覇戰】
參加詳情如下:
1) 分齡組參賽者必需報名參加三場相同距離【3k 或 10k】賽事, 而三場賽事完成時間之總和, 每一個組別頭六名均可獲頒發獎盃乙個
2) 男/女子組三場 10k 完成總和時間能於 120/130 分鐘之內獲頒發金人紀念獎盃、135/145 分鐘之內獲頒發銀人紀念獎盃、150/165 分鐘之內獲頒發銅人紀念獎盃乙個

本會多位學員為角逐金、銀、銅人紀念獎盃, 亦應大會要求連報了三場賽事, 今場賽事更因天公造美、加上賽道平坦, 各人都能發揮超水準表現, 再次跑出個人最佳時間, 其中 Clayton Au 首次突破 40 分鐘大關, 而 Fiona Chan 及 Ho Yuen Man 更勇奪組別獎項, 再次證明大家平日訓練所付出嘅汗水並沒有白流! 恭喜! 恭喜!

Clayton Au39'35"【PB】
Eric Chow45'57"【PB】
Thomas Yung46'42"【PB】
Kelvin Tsai47'28"【PB】
Fiona Chan50'20"【PB】組別第四名
Ho Yuen Man51'27"【PB】組別第六名



12/20/2017

本會致力推動本地田徑運動普及化, 現正推出代辦田徑或運動競技賽事服務, 承接各大機構及團體委托舉辦田徑運動大會!

本會已於上週日 17/12/2017 成功為某大機構舉辦了首屆田徑運動會, 是次賽事活動除了感受到參賽者興奮嘅表現之外, 本會亦獲得客戶非常滿意嘅回應!


12/18/2017

祝賀『速動康樂體育會 週年』生日快樂! 大展鴻圖! 業務蒸蒸日上!
Happy Birthday! Happy Together!


12/15/2017

恭喜本會學員 Amy Lai 於上月 26 日參加了台中南投縣馬拉松協會舉辦嘅『4th 南投馬拉松』中之半程馬拉松賽事, 以時間 2:08:38 完成整個賽程, 並勇奪女子組別季軍, 這是她開始跑步後以個人所跑獲嘅第一個獎項!

據【飛儀教練】憶述幾年前相約好友假日進行長課練習, 曾到他位於東涌家中擺放行李時, 從而認識了好友嘅太太 Amy, 當年她跟一位普通嘅香港人一樣每日早出晚歸, 放工後返到屋企除了日常生活之外, 閒時只會以貓咪為樂, 及後受到丈夫到海外參加跑步比賽, 賽前積極練習所感染之下, 工餘時間開始跟丈夫結伴行山, 及後更自發性組隊參與『毅行者 100 公里』賽事, 這五年間她由行山轉變成跑步, 2016 年為挑戰自己參加了『名古屋女子馬拉松』並順利完成了人生第一個馬拉松, 獲得一個別具特色嘅馬拉松完成紀念獎牌!

今年八月經丈夫推介之下, 參加了本會舉辦之『成人長跑訓練班』 成為深水埗區學員, 她最初由動態拉筋開始學習手腳嘅協調能力, 繼而進行提升速度嘅訓練, 加上她本人嘅努力練習, 短短幾個月間就跑出了個人最佳時間, 今回更一嘗踏上頒獎台上嘅滋味, 事實證明除了教練嘅鼓勵及教導之外, 學生個人對練習嘅堅持亦是不可或缺的!


12/11/2017

本港昨晨有兩場半馬拉松賽事:

第一個係由香港業餘田徑總會舉辦 Mizuno 冠名贊助嘅賽事, 位於大埔大尾督『Mizuno 香港半馬拉松錦標賽 2017』, 賽事已經舉辦了十多年, 由於是 HKAAA 認可賽道而深受各界跑手歡迎, 今年由於封路問題而要更改以往賽道, 上落坡幅相比往年更加大, 但亦無阻本會三位學員出賽挑戰呢條魔鬼賽道, Clayton & Rosita 雙雙跑出個人最佳時間, 而首次參加此項賽程嘅 Simpson 亦順利完成, 證明大家平日訓練所付出嘅汗水並沒有白流! 恭喜! 恭喜!

Clayton Au1:28:38【PB】
Rosita Au 1:44:18【PB】
Simpson Ng2:06:00【首次參加此項賽程】

第二個係由 ASICS 舉辦及冠名贊助嘅賽事『ASICS 大埔半馬』, 雖然是次賽事首次舉辦, 但仍吸引了一眾跑手參與! 賽事起步點位於大埔工業邨, 起步後一直向終點沙田科學院方向進發, 據了解所知呢條賽道除了開段及尾段比較迂回曲折之外, 大部分道路都尚算平坦, 令跑手更容易跑出好成績! 本會亦有多位學員報名參加, 經過多月以來嘅有系統訓練之後, 當中更有三位學員跑出個人最佳時間, 確實係可喜可賀!

Lawrence Wong1:38:20【PB】
Kelvin Tsai1:54:11【PB】
Kenneth Lam1:55:38【PB】
Alex Yeung2:10:00



11/29/2017

今日要同大家分享另一位參加了本會『成人長跑訓練班』 青衣區學生【周智權 Eric Chow Chow】挑戰馬拉松個人最佳時間嘅真實故事!

齋睇佢嘅身型唔講大家都唔知道 ..... 呢位係香港學界體育聯會葵青區校際田徑比賽【男子乙組 100 米】短跑 11"29 紀錄保持者, 呢個紀錄由 1994 年保持至今仍未被參賽者打破, 而佢亦係前香港青年田徑代表隊成員之一, 當年嘅短跑速度確實係無容置疑, 到今時今日就連馬拉松都可以話難唔到呢位前港男飛人!

記得上年首次參加『大阪馬拉松』嘅他, 抱住完成當贏嘅心態去跑, 僅以 5:45:46 接近大會【限定時間六小時】前衝過終點, 就這樣順利完走了人生第一個馬拉松『初馬』!

今年他再次進攻日本跑國, 選擇了另一個馬拉松賽事『神戶馬拉松』! 有了上次『初馬』 嘅經驗, 他亦開始對自己嘅成績有所要求, 確定大會接納報名後 ..... 先向本會教練 Run Sir 為自己設計一個有系統嘅訓練餐單, 賽前幾個月開始進行地獄式訓練, 令原本頗為健碩身型嘅他逐漸減磅成功, 加上比賽當日氣溫清涼配合底下, 跑出個人馬拉松最佳時間 3:56:31 ..... 如願達成 Sub-4 目標!

由此足以證明想跑步要跑得出好成績, 除了教練們嘅鼓勵、培訓及鞭策之外, 個人嘅努力亦是不可或缺的!

https://www.facebook.com/eric.chow.7311/posts/10155364914500958


11/27/2017

恭喜本會四位學員昨日於日本大阪府舉辦嘅『大阪馬拉松』賽事中, 全部皆以個人最佳時間衝過終點!

Jeffrey Lam 3:07:10【PB】並取得波士頓馬拉松嘅達標時間
Mars Chan4:29:16【初馬】
Maurice Cheung4:48:56【初馬】
Cecelia Lee5:53:31【PB】

證明你哋過去所付出嘅汗水和努力並沒有白費, 往後你哋要更加努力啊!



11/6/2017

本港昨晨有兩個重大路跑賽事:

第一個係由香港業餘田徑總會舉辦嘅賽事, 位於天水圍濕地公園『運動家香港十公里挑戰賽』, 本會幾位精英學員出戰參加, 務求响呢條超級快路上爭取一個理想成績, 今次大家亦不負眾望 ..... 全部都能跑出個人最佳時間 Personal Best (PB), 證明你哋平日付出嘅努力係沒有白費! 恭喜! 恭喜!

Bryan Au38'58"【PB】
Rocky Wong 44'41"【PB 46'37"】
Lawrence Wong44'49"【PB 46'32"】
Kenneth Lam52'50"【PB】
Gary Leung48'32"【PB 48'46"】
Cecilia Lee1:03'17"【PB】

第二個係由 SportSoho 舉辦 GigaSports 冠名贊助嘅賽事, 位於沙田科學園金蛋『GigaSports 10 公里賽 2017』, 賽事已經舉辦了六年, 由於獎品豐富而深受各位跑手歡迎! 本會兩位教練【FayeYee & Run Sir】及幾位學員分別出戰 10k 或 5k 兩項賽事, 兩位教練都能於是次賽事勇奪組別獎項, 確實係可喜可賀!

10k 賽事成績:
Run Sir 34'17" 組別亞軍
Clayton Au 40'53"【PB 41'12"】
FayeYee42'04" 組別冠軍
Calvin Lee 52'55"

5k 賽事成績:
Cindy Leung25'38"
Chris Cheung26'33"
Cynthia Pang28'11"



10/16/2017

恭喜本會主席 Shek Kong【石 Sir】上個週末參加由 AVOHK 舉辦『Reservoir Series 2017/18 - Race 1 - 香港仔水塘』12公里越野跑賽事中, 勇奪男子 60-64 歲組別冠軍!

石 Sir 表示自己能以這個年齡參賽, 已經感到很滿意!
並希望繼續遠離傷患, 能夠做到長跑長有!



10/16/2017

本會教練陳潔儀【飛儀】將會參加 2018年倫敦馬拉松!

請大家踴躍支持她參加是次賽事, 並捐款給以下機構
'' VICTA '' 幫助患有眼疾的年青人 ..... 令他們能及早獲得治癒, 盡快可以從見光明!

只需按入下面條 Link 裡面 『Donate now』給她一點捐款贊助吧!

http://uk.virginmoneygiving.com/fundraiser-web/fundraiser/showFundraiserProfilePage.action?userUrl=KITYEECHAN